មនុស្សភាគច្រើនជាពិសេសអ្នកដែលមិនធ្លាប់មកលេងប្រទេសកម្ពុជាមានការយល់​ឃើញមិន​ត្រឹមត្រូវថាប្រទេសកម្ពុជាគឺជាប្រទេសដ៏គ្រោះថ្នាក់បំផុតមួយដែលមាន​សង្គ្រាមស៊ីវិលនិង​ចលាចលឬថាប្រទេសកម្ពុជាគឺជាប្រទេសក្រីក្របំផុតមួយ។ប៉ុន្តែឥឡូវនេះភ្ញៀវទេសចរ កាន់តែច្រើនឡើងៗបានមកទស្សនាកន្លែងសំខាន់មួយនៃ​បេតិក​ភណ្ឌ​ដ៏អស្ចារ្យបំផុតតែមួយ របស់ពិភពលោកគឺប្រាសាទអង្គរវត្ត។ សណ្ឋាគារនិងភោជនីយដ្ឋានថ្មីៗដូចជា ខ្មែរ ជប៉ុន ចិន ថៃ ឥណ្ឌា វៀតណាម និងអ៊ីតាលី បាននិងកំពុងបើកបំរើភ្ញៀវជារៀងរាល់ថ្ងៃ។របៀបរស់នៅក្នុង​តំបន់​កំពុងមានការអភិវឌ្ឍន៏ដែលនាំឲ្យមនុស្សកាន់តែច្រើនឡើងទៅទទួលទានអាហារនៅខាងក្រៅជា​មួយ​គ្រួសាររបស់ពួកគេនិងជិះរថយន្តផ្ទាល់ខ្លួនរបស់ពួកគេដើរកម្សាន្ត។មានហាងកាហ្វេ អ៊ីនធឺណិត​ជាច្រើនកន្លែងនិងមានអ្នកប្រើប្រាស់ទូរស័ព្ទចល័តកាន់តែច្រើនឡើងៗ។ទោះជាយ៉ាងណាក៏ដោយមានប្រជាជនកម្ពុជាតែមួយចំនួនតូចប៉ុណ្ណោះរស់នៅក្នុងទីក្រុងដែលកំពុងទទួលបាននូវកំរិតអភិវឌ្ឍន៍ជីវភាពថ្មីនេះ។ ប្រជាជនកម្ពុជាភាគច្រើនរស់នៅជាយក្រុងឬជនបទតាមរបៀបដដែលដូច​ដែលពួកគេធ្លាប់រស់នៅជាយូរណាស់មកហើយនៅក្នុងផ្ទះខ្ពស់ពីដីប្រើទឹកពីអណ្តូងនិងភាគ​ច្រើន​​រស់​នៅ​ដោយការធ្វើកសិកម្ម។ វាគឺជាប្រពៃណីដែលត្រូវធ្វើការជាមួយគ្រួសារជាជាងទៅ​សាលារៀន។កុមារមួយ​ចំនួន​មិនទៅ​សាលារៀនទេប៉ុន្តែពួកគេជួយគ្រួសាររបស់ពួកគេ​ធ្វើស្រែចម្ការ។